yasmeen
عضو جديد
الجنس : 
34
30
المهنة : 
كيف تعرفت علينا : عن طريق صديق .
08/03/2010
6
نقاط : 53831
 |  موضوع: جدة روشة الإثنين أغسطس 16, 2010 8:31 pm | |
| نبدا التوبيك
نفسى تنجح يا نون يابن ابنى وأشوفك دكتور أد الدنيا
-ياستى بس أنا فى تجارة
-وماله يابنى .... ده ربنا قادر على كل شئ
-ياستى ونعم بالله بس اللى بيطلع دكتور لازم يكون
فى كلية الطب مش التجارة
-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا
-ياستى التجارة اللى فى الوكالة حاجة واللى فى الكلية حاجة تانية
-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق
-جدى إيه اللى هايخدنى معاه .....ده جدى مات من زمان ياستى
-يامصيبتى عبد الواحد مات..ياحبيبى ياأخويا..مكنش يومك ياسبعى
-ياستى ده ميت من تلتين سنة
-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة
-ياستى حرااام عليكى عايز أذاكر بقى
-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون
-ياستى دبلون إيه..أسمه البكالوريوس
-أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون
-خلاص دبلوم دبلوم ياستى ..سيبينى بقى عشان أذاكر
-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلم كمان
-ياستى عبير دى معاها أعدادية
-وماله يابنى ...الراجل مايعبهوش إلا جيبه
-راجل ...راجل مين ياستى...عبير دى بنت
-عبير ...عبير مين ياوله..أنته بتعرف بنات من ورانا
-لا إله إلا الله....أبوس رجلك ياستى أرحمينى بقه
-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس لكون مبوظه الخطوبة دى ومجوزاه أنيسة بت أختى
-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان
-حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره
-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى
-خلاص روحى المطبخ ...أهو زمان أمى خلصت الرز
-رز...رزإيه يابنى....هوأنا ليه سنان للرز...أناهطلع البلكونه أحسن
-طب أبقى خلى بالك م الهوى ياستى
-هوى لما يلطشك | |
|
عاشق الرسول
مشرف
الجنس : 
272
30
المهنة :
كيف تعرفت علينا : عن طريق صديق .
14/07/2010
5
نقاط : 52950
 
| | موضوع: رد: جدة روشة الإثنين أغسطس 16, 2010 11:35 pm | |
| هههههههههههههههههههههههههه
بصراحه جااامده
تقبلى مرورى
عدل سابقا من قبل MeDo في الأربعاء أغسطس 18, 2010 12:12 am عدل 1 مرات | |
|
النØاس
المدير العام
الجنس :
2613
32
www.elnahaas.yoo7.com
المهنة :
كيف تعرفت علينا : أخرى ......!
28/01/2009
25
نقاط : 64341
| | موضوع: رد: جدة روشة الإثنين أغسطس 16, 2010 11:56 pm | |
| ههههههههههههههههههههه
من اكتر الحاجات اللى ضحكتنى
مجهود رائع
| |
|
